34 වැනි ජාතික යෞවන ක්රීඩා උළෙලේ ජාතික මට්ටමේ ක්රිකට් කාන්තා/පිරිමි තරග පසුගිය දා ඇඹිලිපිටිය මහවැලි ක්රීඩාංගණයේදී අවසන් වූ අතර, මෙහි කාන්තා අංශයේ ශූරතාව ගම්පහ දිස්ත්රික්කය විසින් දිනාගනිද්දී අනු ශූරතාව රත්නපුර දිස්ත්රික්කයට හිමි විය. තෙවැනි ස්ථානය කුරුණෑගල දිස්ත්රික්කයට හිමි විය.
ක්රීඩා හා යෞවන කටයුතු අමාත්යාංශය, ජාතික තරුණ සේවා සභාව හා ශ්රී ලංකා යෞවන සමාජ සම්මේලනය එක්ව මෙම ක්රීඩා උළෙල සංවිධානය කරනු ලබයි.
මෙහි ක්රිකට් පිරිමි තරගයේ ශූරතාව හම්බන්තොට දිස්ත්රික්කයට හිමි වූ අතර, අනු ශූරතාව මඩකලපුව දිස්ත්රික්කයට හිමි විය. තෙවන ස්ථානය කුරුණෑගල දිස්ත්රික්කය විසින් දිනාගනු ලැබීය .
34 වැනි ජාතික යෞවන ක්රීඩා අවසන් උළෙල නොවැම්බර් 16, 17, 18 හා 19 යන දින වල කොළඹ සුගතදාස ක්රීඩාංගණයේදී පැවැත්වේ.
